ڕێکەوتی ٢٣ / ٢ / ٢٠٢٥ ئەنجوومەنی سەرکردایەتی پارتی سەربەستیی کوردستان، بە بەشداری ئەندامان و جێگران و ڕاوێژکاران، یەکەمین کۆبوونەوەی پاش کۆنفرانسی دەیەم بە سەرپەرەستی سەرۆکی گشتی گرێدا.

خاڵەکانی ئەو کۆبوونەوە بە شێوەی خوارەوە بەڕێوە چوو.

١ / باسێک لە لایەن سەرۆکی پ س ک، لە سەر کاردانەوەی پاش کۆنفرانس و، پێشوازی گەرم لە ئاست هاوبیران و دۆستانمان لە ناو کوردستان و، لایەنە نێودەوڵەتیەکان.

بەشێکیکی دیکەی باسەکەی سەرۆکی پ س ک، ئاماژەکردن بوو، بە ئەرک و پرینسیپەکانی ئەندامانی سەرکردایەتی لە ڕاپەڕاندنی کارەکانیان.

٢/ بەشی دووەم تەرخان کرابوو بە هەڵبژاردنی جێگری سەرۆک، کە بەڕێز وریا ساڵحزادە، وەک جێگری سەرۆکی پ س ک، تا کۆنگرەی چوارەم دیاریکرا.

٣ / بەشی سێیەم تەرخانکرابوو بۆ ( دەستەی کارگێری) کە بریتی دەبێت لە ٥ کەس، سەرۆک و جێگرەکەی و هەڵبژاردنی ٣ کەسی دیکە، کە لە کۆی ٢٢ئەندامی ئەسڵی و جێگر و ڕاوێژکارانی سەرکردایەتی.، ئەو ٣ کەسە، وەک دەستەی کارگێڕی هەڵبژێردران. بریتین لە بەڕێزان، شێخ نوری هاشمی/ ئیبراهیم حەیدەری زەهاوی / شێخ عەلی ئەردەڵانی .

٤ / بەشی چوارەم و کۆتایی تەرخانکرابوو، بۆ دابەشکردنی بەرپرسایەتی و ئەرکدارکردنی ئەندامانی سەرکردایەتی، لە ناوەندەکان و ئۆرگانەکانی پارتی سەربەستیی کوردستان.

ناوەندی ڕاگەیاندن و ڕۆشنبیری پارتی سەربەستیی کوردستان

٢٥ / ٢ / ٢٠٢٥