حیزبی شیوعی کوردستان  سەردانی پارتی سەربەستیی کوردستانی کرد.

ڕێکەوتی ٢ / ٣ / ٢٠ ٢٣ی زاینی. شاندێکی حیزبی شیوعی کوردستان  کە پێکهاتبوون لە  بەرێزان: هندرێن ئەحمەد  ئەندامی مەکتەبی سیاسی و بەرپرسی  مەکتەبی پێوەندییەکان. هاوتا ڕەسووڵ ئەندامی مەکتەبی پێوەندییەکان. بە مەبەستی گەیاندنی پیڕۆزبایی کۆمیتەی ناوەندی و مەکتەبی سیاسی حیزبەکەیان، لە پێوەندی بە کۆتاییهاتنی کۆنگرەی سێیەمی PSK، سەردانی بارەگای سەرکردایەتی پارتی سەربەستییان کرد.

لە لایەن بەڕێزان عارف باوەجانی سەرۆکی گشتی و سۆران کرماشانی ئەندامی ئەنجوومەنی سەرکردایەتی، و چەند ئەندامێکی دیکەی پێوەندییەکانی پارتیمان، بە گەرمی پێشوازییان لێکرا.

بەرێز هندرێن ئەحمەد، وێرای گەیاندنی سڵاو   وپیرۆزبایی بەڕێز دوکتۆر کاوە مەحموود سکرتێری گشتی
پارتەکەیان، و پیڕۆزبایی گشت کۆمیتەی ناوەندی حیزبەکەیانی گەیاندە سەرۆک و سەرکردایەتی پارتی سەربەستیی کوردستان.
پاشان کورتەیەک باسی هەلومەرجی هەنووکەیی نێوان باشووری کوردستان و ئێراق، و سەرقاڵی حیزبەکەیان بە کۆمەڵێک پڕۆژەیان لە بەرژەوەندی باشووری وڵات کرد.

بەڕێز عارف باوەجانی سەرۆکی  گشتی بە ناوی ئەنجوومەنی سەرکردایەتیەوە،  بەخێرهاتنی گەرمی لێکردن، و سوپاس و پێزانینی پارتی سەربەستیی کوردستانی، ئاراستەی حیزبی شێوعی کوردستان کرد، لەوەی کە هەمیشە پشت و پەنای ڕۆژهەڵاتی کوردستان بوون لە ڕۆژە دژاوەرەکاندا. هەروەها لە پیوەندی بە سەردان وگرنگیدانیان بە کۆنگرەی سێێەمی پارتەکەمان.
سەرۆکی پ س ک وێرای باسێکی کورتی ئاکامی کۆنگرەی سێیەم و بڕیارو ڕاسپاردە گرنگەکانی لە پێوەندی بە یەکڕیزی لایەنەکانی ڕۆژهەڵاتی نیشتمان، ئاماژەیەکی کوورتیشی بە پرسی کورد لە ڕۆژهەڵات  ئاراستەی لایەنی میوانکرد.
لە درێژەی دیدارەکەدا باسێکی گشتی لە سەر پرسی کورد و پێوەندییە نێودەوڵەتییەکان کرا، دوو لایەنە شڕۆڤەیان لە سەر کرد. لە بەشی کۆتاییدا هەردوو لایەن پێداگریان لە سەر گرنگی و بەردەوامی پێوەندییەکانی نێوان پارتی سەربەستیی کوردستان و حیزبی شیوعی کوردستان کردەوە.

ناوەندی ڕاگەیاندن و ڕۆشنبیری پارتی سەربەستیی کوردستان.
١١/ ڕەشەممەی ٢٧٢٢ی کوردی بەرامبەر بە ٢ / ٣ / ٢٠ ٢٣ی زاینی.