" إإنأ٠ێا لإلأهإ و٠ێإإنأ٠ێـا إإل٠ێي٠’هإ ر٠ێاجإعون٠ێ " کل نفس ذائقƒ الموت.
کەسایەتی بە ناوبانگی ڕۆژهەڵاتی کوردستان، مەلا موحەممەدی باوەجانی کۆچی دوایی کرد.

بە دڵێکی پڕ لە خەمەوە بە هەموو خزمان و دۆستان و هەموو لایەک ڕادەگەیەنم، هەواڵم پێگەیشت کە خاڵۆم مەلا موحەممەدی ڕەزایی ناسراو بە مامۆستا مەلا موحەممەدی باوەجانی، کەسایەتی ناسراوی ڕۆژهەڵاتی کوردستان و دەڤەری کرماشان، بەرەبەیانی ئەمڕۆ 13.2.2023 بە هۆی نەخۆشی جەڵتەی مێشک لە نەخۆشخانەیەکی تارانی پایتەختی ئێران، کۆچی دوایی کرد.
خەمخۆری و ناسراوی مامۆستا بۆ خەڵکی لێقەوماوی ڕۆژهەڵاتی کوردستان، دەگەڕێتەوە بۆ ساڵی ١٩٨٢ کە بە هەزاران بنەماڵەی لێقەوماوی ڕۆژهەڵاتی کوردستان، کە ئاوارەی ناچاری دەستی شەڕی ماڵوێرانکەری نێوان ئێران و ئێراق بوون، بێهیچ هاوکاری و پێڕاگەیشتنێکی سەرەتایی گوازرابوونەوە بۆ ئۆردووگای زۆرە ملی ئەڵتاش لە ڕۆمادی ئێراق.
کە لەو کاتەدا ناوبراو، چاونەترسانە بەرەو بەغدای پایتەختی ئێراق کەوتە ڕێ، و دەنگ وهاواری مەزڵوومی ونەبوونی پێداویستی ژیانی ئەو خەڵکە بێکەسەی گەیاندە کۆشکی سەرۆکایەتی کۆماری ئێراق و دەزگاکانی بەرپرسی حکوومەت. تا کاتی گەڕانەوەشی بۆ ڕۆژهەڵاتی کوردستان لە ساڵی ١٩٩٦ وەک کەسایەتێکی خەمخۆر و دیاری کۆمەڵایەتی و ئایینی ئەو ئۆردوگایە ناسراو بەرچاو فریادڕەسی خەڵکەکە بوو.
لە سەردەمانی گەڕانەوەشی بۆ ڕۆژهەڵاتی نیشتیمان تا دوا ماڵئاوایی لە ژیان، وەک کەسایەتییەکی بەرچاوی ناوچەکە بەردەوام لە لایەن پیاوماقووڵان و کەسایەتییە کوردستانیەکانی ڕۆژهەڵات و باشوور، لە گووندەکەی خۆی واتە بانیساکانی سەلاسی باوەجانی، سەردانی کراوە و ڕێزی لێگیراوە.
لە ئاست ئەو کۆسپەدا سەرەخۆشی دەکەم لە دایکم و تەواوی ئەندامانی بنەماڵەی ڕەزایی و کوڕ وکچەکانی مامۆستاو، خاڵۆ مەحموودی ڕەزایی برای بچووکی مامۆستای کۆچکردوو، و هەروەها سەرەخۆشی ئاراستەی گشت خەڵکی سەلاسی باوەجانی دەکەم
خوای گەوەر بە بەهەشتی بەرین شادی بکاتەوە، و سەبووری هەموو لایەکمان بدات.
عارف باوەجانی
............................

وەک ناوەندی ڕاگەیاندنی پارتی سەربەستیی کوردستان، سەرەخۆشی لەخەڵکی سەلاسی باوەجانی و بنەماڵەی مامۆستا مەلا موحەممەدی باوەجانی دەکەن، هەروەها سەرەخۆشی ئاراستەی بەڕێز عارف باوەجانی سەرۆکی پارتی سەربەستیی کوردستان دەکەین.

ناوەندی ڕاگەیاندنی پارتی سەربەستیی کوردستان