پێویستە هاوبیرانی ڕێبازی سەربەخۆیی لەگەڵ یەک ڕاستگۆ بە بیروباوەڕ بن.

یەکێک لە وتە بەنرخەکانی غاندی کاریزما سەربەخۆییخوازەکەی هیندیستان. ئەوەیە کە دەڵێت :
سیاسەتکردن: بەبێ بیروباوەڕ، مرۆڤ دادەڕزێنێت.
بۆ پێشخستنی بیری سەربەخۆییخوازی نەتەوەکەمان. پێویستە هاوبیرانی ئەو ڕێبازە لەگەڵ یەک پاک و ڕاستگۆ و خاوەن بیروباوەڕێکی ڕێشەیی بن، نەک تەنیا بۆ مەزاجی کاتی خۆ نمایش کردن بێت. نەک لە ڕووکەشدا دۆستبن و لە پشتەوە خنجەر بووەشێنن. نەک چاویان بەچالاکی و سەرکەوتنی یەکتردا هەڵنەیەت.
لە مێژە بەڵێنم داوە و ئەمرۆش ئەو بەڵێنە نۆێدەکەمەوە، تا دواساتەکانی ژیانم، لە سەر ئەم رێبازە لە گەڵ هاوڕێباز و هاوبیرانم ڕاستگۆ بم. لەو پێناوەشدا باجی زۆرم بۆیداوە، و بەڵام سەربەرزانە تێیدا ماومەتەوە.
لە مێژووشدا سەلمێندراوە، کە لە کۆتاییدا تەنیا مڕۆڤە خاوەن بیروباوەڕ و ڕاستگۆکان سەربەرزانە ماونەتەوە. عارف باوەجانی/ ٩ مای ٢٠ ٢٢.