بەپێوە دەمرم بەڵام چۆک بۆ دژمن دانادەم، پێشەوای نەمر.بەیاننامەی هاوبەشی پارتی سەربەستییی کوردستان و پارتی سەربەخۆی کوردستان.

رۆژی±٠ ی خاکەلێوە رۆژی بتەوبوونی بیری رزگاری و سەربەخۆییخوازیە

‎هاونیشتمانیانی خۆشەویست!
بنەماڵەی سەربەرزی شەهیدان!

‎نیشتمانی پیرۆزمان بە خاک و ئاو و خەڵکەوە، بە هەزاران جار کەوتۆتە بەر هێرش و پەلامار، کوشت و بڕ و تاڵانیی داگیرکەرانی فارس و تورک و عەرەب. مێژوومان شاهیدە بۆ هەزاران جار کۆمەڵکوژی، ژینوساید و ئەنفال ، بۆمبارانی شیمیایی، وێرانکاری لە سروشت و ژینگە و سامانی سەر زەوی و بن زەویی وڵاتی داگیرکراومان. مێژوومان پڕە لە کارەساتی تاڵ و دڵتەزێن، کە هەر کام لەم رووداوانە بە نۆبەی خۆیان کاریگەری نەرێنیان بووە  لەسەر شێواندنی ناسنامە و هێماکانی نەتەوەیی و نیشتیمانی کورد و کوردستانی ئازیزمان.

‎·٥ساڵ لەمەوبەر لە بەرەبەیانی رۆژی±٠ ی خاکەلێوەی ٢٦٤٧ی کوردی، بەرامبەر بە ³٠  ی مارسی ±¹٤·زاینی، پێشەوا قازی محەمەد سەرۆک کۆماری دەوڵەتی کوردستان، محەمەد حوسێنی سەیفی قازی و ئەبولقاسمی سەدری قازی، دوای "محاکەمە" یەکی فەرمایشی، بە فەرمانی محەمەد رەزا شا و ستادی ئەرتەشی ئێران لە مەیدانی چوارچرا، هەر لەو شوێنەی کۆماری کوردستانی لێڕا گەیەندرابوو لە داری بێدادی دران.

‎بە تێپەڕبوونی کات زۆر لەو نەهامەتییانەی لە مێژووی ئێمە سریوەتەوە یان فەرامۆش کراون، بەڵام بەشێک لەم رووداوە گرینگانە هەرگیز لەبیر ناچنەوە. ±٠ ی خاکەلێوە، ±٦مارس وهەڵەبجە و ئەنفال  لەو رۆژە کارەساتبارانەی گەلەکەمانن. لە راستیدا رژێمی پاشایتی پێی وابوو کە دەگەڵ پێشەوا و باقی رێبەرانی کۆماردا کوردستانی بە ئاو و خاک و کەرامەتیەوە هەڵاوەسیوە. لەوە غافڵ! ئازایەتی و لەخۆبردویی پێشەوا لە کاتی دادگاییکردنی، وەسیەتنامە مێژووییەکەی، خۆنەویستی و وڵاتخۆشەویستی پێشەوا و هەرەوها کارنامەی±± مانگەی سەرۆک کۆماری و کاراکتێر و هەڵسوکەوت و رابردووی بێگەردی وبێباکی ئەو قارەمانە مەزنە ، دوای·٥ ساڵ مەشخەڵ و ڕێنوێنن بۆنەتەوەکەمان و ڕێبەرانی بزوتنەوەی ڕزگاریخوازی کورد چ لە ئێستا و چ لە داهاتوودا .

‎بە پێچەوانەی ویستی داگیرکەران، سێدارە و کۆت و بەند، زنجیر و گوللەباران، ئەنفال و کیمیاباران هیچ نەتەوەکەمانی بە چۆکدا نەهێناوە و تەسلیمی توانەوەی نەتەوەیی وپاکتاوی رەگەزیمانی نەکردوە، بەڵکو لە خەبات بۆ ڕزگاری و سەربەخۆیی و سەروەری نەتەوەیی ڕژدتر و هەنگاوکانمان  شێلگیرتر دەکات. لە پێناو رزگاری و سەربەخۆیی دا نەسرەوتووین و ناسرەوین.

‎ئێمە پارتی سەربەستی کوردستان و پارتی سەربەخۆیی کوردستان سەری رێز و نەوازش لە بارەگای پێشەوای نەمر و هەڤاڵانی دادەنەوێنین، و هیوادارین ئەم رۆژە مێژوییە بە پشتیوانی و هاودەنگی گشت پارت و رێکخراوە سیاسیەکانی کوردستان لە هەموو کوردستان وەک ڕۆژی شەهیدان بناسرێت، و بیکەینە هەوێنی یەکگووتاری گشت پارت و رێکخراوە سیاسیەکانی کوردستان .

پارتی سەربەستیی کوردستان و پارتی سەر بەخۆیی کوردستان، کە وەک ٢پارتی نەتەوەیی و سەربەخۆییخواز، خۆیان بە درێژەدەری بیر و هزر و ڕێبازی پێشەوای شەهید دەزانن. کاکڵ و ئامانجی خەباتەکەمان بۆ دووبارە دامەزرانەوەی دەوڵەتێکی سەربەخۆیی کوردستانە، ئەو ڕێبازەش بە گوونجاوترین خەبات بۆ ڕزگاری گەل و خاک و خەڵک دەزانن. هیواخوازین کە گشت لایەنە خەباتگێڕەکانی کوردستان خەمخۆری خەباتی سەربەخۆییخوازیی کوردستان بن.

‎سەرفیرازی و سەروەری بۆ سەرجەم شەهیدانی هەر چوار پارچەی کوردستان.

‎بەردەوام بێت ڕێگای پێشەوای نەمر، رێگای رزگاری و سەربەخۆیی یەکجاری کوردستان.

‎پارتی سەبەخۆیی کوردستان

پارتی سەربەستی کوردستان

‎±٠  ی خاکەلێوەی ²·²²ی کوردی±٠  ی خاکەلێوەی ²·²² ی کوردی