کاتێک لەگەڵ هەر هاووڵاتییەکی کوردستان باس لە خەباتی نەتەوەیی بۆ ڕزگاری یەکجاری لە بندەستی دەکەین، یەکسەر ئەو وڵامە وەردەگرینەوە، کە هیچ کوردێک نییە لەم جیهانە باوەری بە سەربەخۆیی کوردستان نەبێت.
بەڵام کە دێینە سەر باسی ئەوەی کە وابێت هەموو لایەک سەربەخۆیی پێخۆشە، با هەمومان دەستبکەین بەو خەباتە! مخابن لە وڵامدا سەدان بروبیانووی سەیر و سەمەرە وەردەگرینەوە.
لەگەڵ هەر تاکێکی فەلەستینی، ئەحوازی، تیبیتی، و دەیان نەتەوەی دیکەی بندەست، کە لە خەڵکی زۆر سادەی سەرشەقامەوە بگرە تا پرۆفیسۆرەکانیان دەدوێی، هەموو باس لە خەبات بۆ ڕزگاری یەکجاری نەتەوەکەیان دکەن.
دەمەوێ لە یادی ٢٨ ساڵەی ڕاپەرینە بە جۆشەکەی باشوری کوردستان بڵێم، زۆر بە داخەوە تا ئیستا وەک پیویست کار بۆ بڵاوکردنەوەی هۆشیاری نەتەوەیی نەکراوە، زیاتر کار بۆ ئەوە کراوە کە لایەنە سیاسیەکان ژمارەی ئەندام و دەنگدەریان لە سەرەوەی لایەنی دیکە بێت، گرنگ نەبووە کە شێوەی بیرکردنەوەی چۆنە.
لە رۆژهەڵات مخابن نزیک بە ٧٣ ساڵە ڕەوەرەوەی خەبات گۆراوە و زیاتر باس لە پێکەوە ژیان دەکرێت، زیاتر خەم بۆ دروستکردنی دیمۆکراسیەکی شەریکی لەگەڵ نەتەوەی حاکم و داگیرکەر دەخورێت. ئەمانە هەموو بە بیانوویەکی ئێکسپایر ( واتە مێژوو بە سەرچوو)، لێکدەدرێتەوە.
لە کۆتاییدا دەمەوێ ئەوە بڵێم کە مخابن لە وڵاتی من هەستی نەتەوەیەکە هەیە، بەڵام هۆشیاری نەتەوەییەکە زۆر کەم ولاوازە.