ئەنجوومەنی سەرکردایەتی پارتی سەربەستیی کوردستان ئیدانەی هێرشەکانی ئێران بۆ سەر پارتەکانی ڕۆژهەڵاتی کوردستان دەکات.

وڵات و رێکخراو و کۆڕ و کۆمەڵانی مڕۆڤددۆستی جیهانی
پارت و لایەن و ڕێکخراوە کوردستانیەکان

بەداخەوە دیسانەوە بیسەرو بینەری هەواڵی جینایەتکارانەی کۆماری ئیسلامی ئێران بووین، کە ئەمڕۆ لە ڕێگەی مووشەک( هاژەک) و درۆنی تایبەتی تەقینەوەیی، کۆماری ئیسلامی ئێران بووین، بۆ سەر بنکەو بارەگاکانی حیزبی دێمۆکراتی کوردستانی ئێران و کۆمەڵەی زەحمەتکێشانی کوردستان. کە لە ئاکامدا بە داخەوە ٢ شەهید و ٨ برینداری لێکەوتەوە.
ئەوەی جێگەی داخ و کەسەرە: کە لە ماوەی ئەم دەیانساڵە، بەردەوام ئەم ڕێژیمە جینایەتکارە پەلاماری گەلی کورد و کوردستان دەدات، پێشێلکاری بۆ سەر خاکی وڵاتانی دراوسێی دەکات. لە ئاست جیهاندا تەنیا گوێ بیستی ئیدانەکردن دەبین بە بێ هیچ هەنگاوێکی بە کردەوەیی نێودەوڵەتی.
پەلامارەکانی ڕۆژانی ٢٨ی سەپتەمبەر و ١٤ی نۆڤەمبەری ئەمڕۆ، ڕوون و ئاشکرایە کە ئێران دەیەوێت بەو مەبەستەوە زۆمی کامیراکان و سەرنجی خۆپێشاندەران و ناڕازیانی کوردستان و جیهان، بۆ ئەم جۆرە جینایەتانەی ڕا بکێشێت و فوکوسیان لە سەر خۆپێشاندانەکانی ناوخۆ دووربخاتەوە. کە بە دڵنیاییەوە  ئەم سینارێویشی وەک ئەوانەی پێشووتر لەگەڵ شکەست ڕووبەڕوو دەبێتەوە، و بگرە کاریگەری بەردەوامی بۆ پەرە سەندنی دەنگە ناڕازییەکان زیاد دەکات. دیسانەوە بۆ کوردستان و هەموو ئێران و جیهان دەسەلمێنێت کە ئەم ڕێژیمە چەندە شەڕەنگێز و تێکدەرە.

ئەنجوومەنی سەرکردایەتی پارتی سەربەستیی کوردستان، بە تووندی ئیدانەی ئەو پەلامارانە بۆ سەر بنکەو بارەگاکانی حیزبی دێمۆکراتی کوردستانی ئێران و کۆمەڵەی زەحمەتکێشانی کوردستان دەکات. سەرەخۆشیان ئاراستە دەکەین  و هاوبەشی خەمیانین بۆ هەواڵی شەهید بوونی ٢ پێشمەرگەی تێکۆشەر و بەرگری کوردستانی. و هیوای چاکبوونەوەی خێرا بۆ بریندارەکان دەخوازین.
هەروەها وەک پارتی سەربەستیی کوردستان، ئامادەی هەر جۆرە هاوکارییەک و پشتیوانییەکین بۆ خوشک و برایانمان، لە پارتەکانی ڕۆژهەڵاتی کوردستان. بە تایبەت لەم دۆخە نا لەبارەی کە بۆیان پێشهاتووە.

بڕووخێ ڕێژیمی داگیرکەرو  جینایەتکاری کۆماری ئیسلامی ئێران.
بۆ پێشەوە بۆ بەرەیەک یا هاودەنگییەکی بە پەلە بۆ پارت و لایەنەکانی ڕۆژهەڵاتی نیشتیمان.

ئەنجوومەنی سەرکردایەتی پارتی سەربەستیی کوردستان
١٤ / ١١ / ٢٠ ٢٢