|
پارتی سهربهستیی كوردستان: بژی شۆڕش بۆ سهربهستیی، سهربهخۆیی یهكجاری گهلی كوردستان. | |||||
| | |||||
|
|
 الشرق الاوسط: له پاریس وهك سهرۆك دهوڵهت پێشوازی له بارزانی كراالشرق الاوسط: له پاریس وهك سهرۆك دهوڵهت پێشوازی له بارزانی كرا رووداونێت-الشرق الاوسط  رووداونێت-الشرق الاوسط 16-06-2010 رۆژنامهی (الشرق الاوسط)ی عهرهبی له راپۆرتێكدا لهبارهی سهردانهكهی دوێنێی مهسعود بارزانی سهرۆكی ههرێمی كوردستانی بۆ پاریسو پێشوازیكردی له كۆشكی ئیلیزێ لهلایهن نیكۆلاس ساركۆزی سهرۆكی ئهو وڵاتهوه نووسیویهتی كه بارزانی له پاریس وهك سهرۆكی دهوڵهتێك پێشوازیو ههڵسوكهوتی لهگهڵ كراوه. لهو راپۆرتهدا هاتووه كه دهوڵهتی فرهنسی بهجۆرێكی تایبهت پێشوازی له بارزانی كردووه، وهك چۆن پێشوازی له سهرۆك دهوڵهتێك دهكرێت. ئهمهش دوابهدوای داوهتكردنێكی رهسمی بارزانی لهلایهن ساركۆزیهوه. دوای كۆبوونهوهی بارزانی لهگهڵ وهزیری دهرهوهی فرهنسا، كۆشنێر له كۆنگرهیهكی رۆژنامهوانی هاوبهشدا ئاشكرای كرد كه سهرهڕای ئیمزاكردنی هاوكاریو رێككهوتنی ئابووریو تهندروستیو فێركردنو پهروهردهیی لهگهڵ بارزانی. سهرۆكی ههرێمی بهدۆستی 30 ساڵه وهسف كردو گوتیشی "دیدارێكی گهرموگوڕمان ئهنجامدا". وهزیری دهرهوهی فهرهنسا ئاماژهشی بهوهدا "30 ساڵه چاوهڕێی ئهو چركهساته دهكهم". جێی باسه پێش دوو ساڵ بێرنارد كۆشنێر كۆنسوڵگهی فهرهنسای له ههولێری پایتهختی ههرێمی كوردستاندا كردهوه. ههروهها ساڵی رابردوو ناوهندێكی رۆشنبیری فهرهنسیشی بهشێوهیهكی رهسمی ههر له ههولێر كردهوه. كۆشنێر خۆی بهدۆستێكی دێرینو بهردهوامی كوردان دهزانێت. لهبارهی ئهو رێككهوتننامانهش كه سهرۆكی ههرێم له پاریس ئیمزای كردوون، كۆشنێر گوتی "رێككهوتننامهی هاوكاری نێوانمان دهبێته هۆی پهرهپێدانی پهیوهندییه بازرگانیو پیشهسازیو تهكنهلۆجیو پزیشكیو فێركارییهكان". لای خۆیهوه مهسعود بارزانی گوتی پێویسته كوردستان خاڵی پهرهپێدانی پهیوهندییهكان بێت لهگهڵ فهرهنسا، لهپێناو هێنانهدی ئهمنو سهقامگیری له ناوچهكه".  رووداونێت-الشرق الاوسط2010-06-16 19:08:29   
|
|
| ||
|
مافی لهبهرگرتنهوه (کۆپیکردن) ههموو مافهکان پارێزراوه به ماڵپهڕهکه خۆی. چوارشهمه ٢٩ گوڵانی ٢٧١٠ - چوارشهمه ٢٩ گوڵانی ٢٧١٥ |
|||||
